News Summary
Generated by OK AI. Editorially reviewed.- आगामी शरद ऋतुका लागि शुक्रबारसम्म ४ सय ९८ जनाले हिमाल आरोहण अनुमति लिएका छन् ।
- मनास्लु हिमाल आरोहणका लागि ३८ टोलीका ४ सय ५१ आरोहीले अनुमति लिएका छन्, जसमा १ सय २० महिला छन् ।
- यो सिजन आरोहीबाट सरकारले शुक्रबारसम्म २१ करोड १० लाख रुपैयाँ रोयल्टी संकलन गरेको छ ।
२८ भदौ, काठमाडौं । रसुवा-भोटेकोशी बाढीले पर्यटन क्षेत्रमा ठूलो असर गर्नुका साथै साहसिक पर्यटकमा भने त्यसको ठूलो असर नपर्ने संकेत देखिएको छ ।
आगामी शरद ऋतुमा हिमाल चढ्न अनुमति लिनेको संख्या ५ सय नजिक पुगेको छ । पर्यटन विभागका अनुसार शुक्रबारसम्म ४ सय ९८ जनाले आरोहण अनुमति लिइसकेका छन् । तीमध्ये सबैभन्दा धेरै मनास्लु हिमाल आरोहणमा जाने छन् ।
विभागका अनुसार मनास्लुमा १ सय २० महिला सहित ४ सय ५१ आरोहीले अनुमति लिएका छन् । यस हिमालमा कुल ३८ टोलीले अनुमति लिएका छन् ।
मकालु हिमालमा ३ जनाले अनुमति लिएका छन् । दङ्गा हिमालमा २ समूहका १६ जनाले अनुमति लिएको विभागले जनाएको छ । धौलागिरिका लागि २ समूहका १९ आरोहीले अनुमति लिएको विभागको तथ्यांक छ ।
त्यस्तै गंगापूर्ण हिमालमा दुई र थोराङ पिकमा ७ जनाले अनुमति लिएको देखिएको छ । यो सिजनमा आरोहीबाट सरकारले शुक्रबारसम्म २१ करोड १० लाख रुपैयाँ बराबर रोयल्टी संकलन गरेको छ ।
यो सिजनका लागि कुल ६३ देशका आरोहीले अनुमति लिएका छन् । सबैभन्दा धेरै चिनियाँ छन् । चीनबाट १ सय आरोहीले अनुमति लिएका छन् । जसमा २९ महिला छन् ।
यसैगरी रुसका ५३ जनाले अनुमति लिएका छन् । अमेरिकी ३७ र बेलायती २८ जनाले अनुमति लिएका छन् । फ्रान्स २७, जर्मनी र जापानका १६/१६ जनाले पनि आरोहण अनुमति लिएका छन् ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Siddhipur")
%20-%20Copy.jpg "House for Sale at Cozy Homes, Imadol")
.jpg "Bungalow House for Sale at Bhandari Marg")
.jpg "House for Sale at Imadol")
.jpg "Bungalow House for Sale at Dholahiti")
प्रतिक्रिया 4