३१ भदौं, काठमाडौं । नेकपा एमाले कार्यदलको प्रतिवेदनमा उत्पन्न समस्या हल गर्न गठित सम्पादन समितिमा पनि नेताहरुबीच कुरा मिल्न सकेन ।
कार्यदलका संयोजक रामबहादुर थापा र सदस्य सचिव शंकर पोखरेल आ–आफ्नै अडानमा रहेपछि सहमति जुट्न सकेन । स्रोतका अनुसार थापाले पोखरेलको प्रतिवेदन फिर्ता लिएर जानुपर्ने प्रस्ताव राखेका थिए ।
तर महासचिव पोखरेलले पार्टीको सचिवालय र कार्यदलले दिएको कार्यादेश बमोजिम आफूले प्रतिवेदन तयार पारेकाले फिर्ता नहुने अडान लिएका थिए । ‘नेता तथा कार्यकर्ताहरुको सुझावहरु समेटेर प्रतिवेदन लेख्ने जिम्मा कार्यदलले मलाई दिएको हो, त्यसैअनुसार लेखेको छु,’ पोखरेलले अडान लिएका थिए ।
बरू कार्यदलको प्रतिवदेनमा थापाले लेखेको खण्डन फिर्ता गर्दा सहमति जुट्ने पोखरेलको प्रस्ताव थियो । ‘कार्यदलको प्रतिवेदनमा उपाध्यक्ष कमरेडको खण्डन हो, यसलाई फिर्ता गर्दा राम्रो हुन्छ,’ पोखरेलले भनेका थिए ।
यसपछि उपाध्यक्ष थापाले गुन्डु जाने प्रस्ताव राखेका थिए । अध्यक्ष केपी शर्मा ओलीसँग परामर्श लिन गुन्डु जानुपर्ने थापाको प्रस्तावलाई उपाध्यक्ष विष्णुप्रसाद पौडेल र महासचिव पोखरेलले अस्वीकार गरे ।
‘विष्णु पौडेल र शंकर पोखरेलले गुन्डु जाने प्रस्ताव अस्वीकार गर्नुभएपछि बादल एक्लै जानु भयो,’ एमालेका एक नेताले भने ।
पोखरेलको प्रतिवेदनमा थापाले छुट्टै प्रतिवेदन तयार पारेपछि शनिबारदेखि तीन दिनसम्म काभ्रेको बल्थलीमा आवासीय बैठक बसेको थियो । उक्त बैठकमा पनि कुरा नमिलेपछि तीन सदस्यीय सम्पादन समिति बनेको छ ।
–यसअघि प्रकाशित समाचारमा त्रुटि भएकाले सच्याइएको *
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Siddhipur")
%20-%20Copy.jpg "House for Sale at Cozy Homes, Imadol")
.jpg "Bungalow House for Sale at Bhandari Marg")
.jpg "House for Sale at Imadol")
.jpg "Bungalow House for Sale at Dholahiti")
प्रतिक्रिया 4