२०८३ भदौ ३१ गते १७:३७ 
News Summary
Generated by OK AI. Editorially reviewed.- आईसीसी ओडीआई अलराउन्डर वरियतामा दीपेन्द्रसिंह ऐरी ५ स्थान उक्लिँदै १७औं स्थानमा पुगेका छन् ।
- असीसी प्रिमियर लिगमा ओमानविरुद्ध अर्धशतक र ३ विकेट तथा यूएईविरुद्ध १८ रन र १ विकेट लिएपछि उनको रेटिङ १७१ पुगेको छ ।
- ओडीआई ब्याटिङ वरियतामा दीपेन्द्र १० स्थान माथि उक्लिँदै ८४औं स्थानमा पुगेका छन्, र टी-२०आई अलराउन्डर वरियतामा तेस्रो स्थानमै छन् ।
३१ भदौ, काठमाडौं । नेपाली क्रिकेट टोलीका अलराउन्डर दीपेन्द्रसिंह ऐरी आईसीसी ओडीआई अलराउन्डर वरियतामा ५ स्थान माथि उक्लिएका छन् ।
आईसीसीले मंगलबारसम्मको अपडेट राखी बुधबार अध्यावधि गरेको नयाँ वरियता अनुसार दीपेन्द्र ५ स्थान सुधार गर्दै १७औं स्थानमा पुगेका हुन् । उनको रेटिङ अंक बढेर १७१ भएको छ । यसअघि उनको रेटिङ अंक १५९ थियो ।
गत शनिबार सम्पन्न एसीसी प्रिमियर लिगमा गरेको प्रदर्शनबाट उनको वरियतामा सुधार भएको हो । प्रिमियर कपमा ओमानसँगको सेमिफाइनल र यूएईसँगको फाइनल ओडीआई मान्यताको थियो ।
दीपेन्द्रले सेमिफाइनलमा ओमानविरुद्ध अर्धशतक बनाएका थिए भने ३ विकेट पनि लिएका थिए । यूएईसँगको फाइनलमा १८ रन बनाएर १ विकेट लिएका थिए ।
ओडीआई ब्याटिङ वरियतामा पनि दीपेन्द्र १० स्थान माथि उक्लँदै ८४औं स्थानमा छन् ।
टी-२०आई अलराउन्डरको वरियतामा भने दीपेन्द्र तेस्रो स्थानमै यथावत् छन् ।
प्रतिक्रिया 4