News Summary
Generated by OK AI. Editorially reviewed.- श्रीलंकाका दुई पर्यटन व्यवसायी संस्थाको एजीएमका लागि १ सय ३५ पर्यटक बिहीबार नेपाल आएका छन् ।
- नेपालस्थित श्रीलंकाली दूतावास र श्रीलंकन एयरलाइन्सको सहभागितामा नेपाल पर्यटन बोर्डले उनीहरुलाई स्वागत गरेको छ ।
- कार्यक्रममा बाढीपछि पनि नेपाल सुरक्षित छ भन्ने सन्देश प्रवाह गरिएको छ ।
२ असोज, काठमाडौं । नेपालमा सभा, सम्मेलन जस्ता गतिविधिका लागि भित्रिने पर्यटक संख्या बढ्न थालेको छ । बिहीबार बंगलादेश र श्रीलंकाबाट एकसाथ ठूलो संख्यामा पर्यटक भित्रिए ।
श्रीलंकाका दुई प्रमुख पर्यटन व्यवसायी संस्था ट्राभल एजेन्ट्स एसोसिएसन अफ श्रीलंका र अन्तर्राष्ट्रिय हवाई यातायात संघबाट मान्यता प्राप्त एजेन्ट्स एसोसिएसन अफ श्रीलंकाको वार्षिक साधारणसभा (एजीएम) का लागि १ सय ३५ पर्यटक नेपाल आएका छन् ।
कार्यक्रममा नेपालस्थित श्रीलंकाली दूतावास र श्रीलंकन एयरलाइन्सले समेत कार्यक्रममा सहभागिता जनाएका छन् । उनीहरुलाई नेपाल पर्यटन बोर्डले स्वागत गरेको छ ।
श्रीलंका दक्षिण एसियाको एक आकर्षक पर्यटन गन्तव्य देश हो । अहिले श्रीलंकन एयरलाइन्सले काठमाडौं र कोलम्बोलाई जोडिरहेको छ । यी संस्थाले विगतमा अन्य सहरमा आफ्नो वार्षिक साधारणसभा गर्दै आएकोमा यसपालि नेपाल गन्तव्य बनाएको नेपाल पर्यटन बोर्डले जनाएको छ ।
बिहीबार काठमाडौंमा आयोजित एक कार्यक्रममा बाढीपछि पनि नेपाल सुरक्षित छ भन्ने सन्देश प्रवाह गरिएको छ ।
कार्यक्रममा नेपालका लागि श्रीलंकाका राजदूत रुवान्थी डेलपिटिया, श्रीलंकन एयरलाइन्सका हेड अफ कमर्सियल दिमुथु टेन्नाकोन समेत सहभागी भए ।
श्रीलंकन एयरलाइन्सका बिक्री प्रबन्धक दीपक मैनालीले नेपाल सुरक्षित छ भन्ने सन्देश प्रवाह र दुवै मुलुकबीच पर्यटकीय सम्बन्ध विस्तारमा यस्ता कार्यक्रम फलदायी हुने बताए ।
यसअघि बिहीबार नै बंगलादेशबाट आएको १ सय ८५ जनाको कर्पोरेट टोलीलाई बोर्डले स्वागत गरेको थियो ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Siddhipur")
%20-%20Copy.jpg "House for Sale at Cozy Homes, Imadol")
.jpg "Bungalow House for Sale at Bhandari Marg")
.jpg "House for Sale at Imadol")
.jpg "Bungalow House for Sale at Dholahiti")
प्रतिक्रिया 4