४ असोज, पाल्पा । पाल्पामा गाडी दुर्घटना हुँदा एक जनाको मृत्यु भएको छ । दुर्घटनामा पारी चालकसहित अन्य पाँच जना घाइते भएको प्रहरीले जनाएको छ ।
आइतबार दिउँसो साढे तीन बजे बुटवलबाट तानसेनतर्फ आउँदै गरेको भे १ ज ९७६ नम्बरको गाडी सिद्धार्थ राजमार्गअन्तर्गत तानसेन नगरपालिका–८ भालेबासमा दुर्घटना भएको हो । उक्त गाडी अनियन्त्रित भई सडकबाट करिब २० मिटर तल खोलामा खसेको थियो ।
दुर्घटनामा मृत्यु हुनेमा पूर्वखोला गाउँपालिका–४ की ६३ वर्षीया अनुसरा खाम्चा रहेको प्रहरीले जनाएको छ । दुर्घटनामा गम्भीर घाइते भएकी खाम्चालाई उपचारका लागि अस्पताल पुर्याउँदा चिकित्सकले मृत घोषणा गरेका हुन् ।
घाइते हुनेमा सवारी चालक पूर्वखोला गाउँपालिका–१ का करिब २९ वर्षीय नरबहादुर राना, सोही स्थानका ५० वर्षीय कृष्णबहादुर राजमगर, पूर्वखोला गाउँपालिका–४ घर भई हाल तानसेन नगरपालिका–४ भगवतीटोल बस्ने २८ वर्षीया मनकुमारी सारु र उनकी ७ वर्षीया छोरी सइरस सारु रहेका छन् ।
त्यस्तै, पूर्वखोला गाउँपालिका–४ की ५ वर्षीया सायरा खाम्चा घाइते भएको प्रहरीले जनाएको छ । सायरा मृतककी नातिनी हुन् ।
घाइतेहरूको तत्काल उद्धार गरी उपचारका लागि लुम्बिनी मेडिकल कलेज प्रभास पठाइएको प्रहरीले जनाएको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Siddhipur")
%20-%20Copy.jpg "House for Sale at Cozy Homes, Imadol")
.jpg "Bungalow House for Sale at Bhandari Marg")
.jpg "House for Sale at Imadol")
.jpg "Bungalow House for Sale at Dholahiti")
प्रतिक्रिया 4