News Summary
Generated by OK AI. Editorially reviewed.- पर्यटन विभागले ९ देखि ११ असोजसम्म भारी वर्षा, चट्याङ र हावाहुरीको सम्भावना भन्दै पर्यटकीय गन्तव्यमा सचेतना अपनाउन एड्भाइजरी जारी गरेको छ ।
- विभागले हिमालमा पुगेका र जाने क्रममा रहेका पर्वतारोही, पदयात्री तथा सहयोगी कर्मचारीलाई सचेत रहन आग्रह गरेको छ ।
- विभागले यात्रा सकेसम्म नगर्न र गर्नैपरे सुरक्षित तथा सावधानीपूर्वक यात्रा गर्न अनुरोध गर्दै सामागाउँ, खुम्बु र मनाङका स्वास्थ्य संस्थालाई सेवा निरन्तर राख्न आह्वान गरेको छ ।
७ असोज, काठमाडौं । मौसम पूर्वानुमान अनुसार यो साता नेपालमा भारी वर्षाको सम्भावना रहेको भन्दै पर्यटन विभागले पर्यटकीय गन्तव्यमा सचेतना अपनाउन एड्भाइजरी जारी गरेको छ ।
आज मौसम सम्बन्धी सूचना जारी गर्दै विभागले शरद ऋतुका लागि हिमालमा पुगिसकेका तथा जाने क्रममा रहेका पर्वतारोही, पदयात्री र सहयोगी कर्मचारीलाई सचेत रहन एड्भाइजरी जारी गरेको हो ।
नेपाल मौसम बुलेटिन अनुसार ९ असोज शुक्रबारदेखि ११ असोज आइतबारसम्म मुलुकभरि मेघ गर्जन, चट्याङ/हावाहुरी सहित भारी वर्षा हुन सक्ने देखिएको छ । यसले भूक्षय, बाढीपहिरोको जोखिम हुनुका साथै हिमाली भेगमा हिमपातको समेत पूर्वानुमान गरिएको छ ।
यसले पदयात्रा र आरोहण क्षेत्रमा समेत असर पुर्याउने भन्दै विभागले अग्रिम सूचित गरेको हो । यो अवधिमा सकेसम्म यात्रा नगर्न/नगराउन र यात्रा गर्नैपरे सुरक्षित र सावधानीपूर्वक यात्रा गर्न समेत अनुरोध गरिएको छ ।
मौसमी पूर्वानुमान ख्याल राख्दै भावी योजना बनाउन समेत विभागले भनेको छ । पदयात्रा तथा हिमाल आरोहण अनुमति जारी भएका सामागाउँ (गोरखा), खुम्बु क्षेत्र, मनाङ लगायत क्षेत्रमा रहेका स्वास्थ्य संस्था र काठमाडौं तथा पोखरास्थित हिमाली स्वास्थ्य समस्याको उपचार सेवा प्रदायक स्वास्थ्य संस्थालाई अविच्छिन्न र सहज सेवा उपलब्ध गराउन आह्वान गरिएको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Siddhipur")
%20-%20Copy.jpg "House for Sale at Cozy Homes, Imadol")
.jpg "Bungalow House for Sale at Bhandari Marg")
.jpg "House for Sale at Imadol")
.jpg "Bungalow House for Sale at Dholahiti")
प्रतिक्रिया 4