२०८३ असोज ९ गते ११:३८ 
News Summary
Generated by OK AI. Editorially reviewed.- २०औं एसियन गेम्सअन्तर्गत बक्सिङमा नेपालका खगेन्द्र रोकामगर र अस्मिता दुवाल दोस्रो चरणबाट बाहिरिएका छन् ।
- पुरुष ६० केजीमा खगेन्द्र फिलिपिन्सका जुनमिलार्डाे ओगायरेसँग ५–० ले पराजित भए ।
- महिला ५४ केजीमा अस्मिता जापानकी सुकिमी नामिकीसँग ५–० ले पराजित हुँदै यात्रा टुंग्याइन् ।
९ असोज, काठमाडौं । २०औं एसियन गेम्सअन्तर्गत बक्सिङमा नेपालका खगेन्द्र रोकामगर र अस्मिता दुवाल दोस्रो चरणबाट बाहिरिएका छन् ।
जापानको निसिओ जिम्नेसियममा शुक्रबार भएको पुरुष ६० केजी तौल समूहको प्रतिस्पर्धामा नेपालका खगेन्द्र फिलिपिन्सका जुनमिलार्डाे ओगायरेसँग ५–० ले पराजित भए ।
पहिलो चरणमा मकाउका एल्भिन जोन रेयेस सलिनासलाई ५–० ले पराजित गरेका खगेन्द्र दोस्रो चरण भने पार गर्न सकेनन् ।
महिला ५४ केजी तौल समूहमा सिधै दोस्रो चरण (राउन्ड अफ १६) मा अवसर पाएकी अस्मिता जापानकी सुकिमी नामिकीसँग ५–० ले पराजित हुँदै यात्रा टुंग्याइन् ।
अब पुरुष ९० केजीमा रविन नेपालले खेल्न बाँकी छ ।
यसअघि नेपालका रमिशा श्रेष्ठ, कुशुम तामाङ, चन्द्रबहादुर थापा र धनबहादुर दर्लामी बाहिरिसकेका छन् ।
प्रतिक्रिया 4