२०८३ असोज १० गते १९:४१ 
News Summary
Generated by OK AI. Editorially reviewed.- नेपाली महिला क्रिकेट टोलीकी कप्तान इन्दु बर्मा क्यानडा सुपर ६० क्रिकेट प्रतियोगिता खेल्न क्यानडा प्रस्थान गरेकी छन्।
- इन्दुलाई प्रतियोगिताको दोस्रो संस्करणका लागि टोरन्टो सिक्सर्सले टोलीमा अनुबन्ध गरेको छ।
- भ्यानकुभरको बीसी प्लेसमा सेप्टेम्बर २९ देखि अक्टोबर ४ सम्म हुने महिला स्पर्धामा टोरन्टो सिक्सर्स, भ्यानकुभर वारियर्स र भ्यानकुभर एन्कर्स सहभागी हुनेछन्।
१० असोज, काठमाडौं । नेपाली महिला क्रिकेट टोलीकी कप्तान इन्दु बर्मा क्यानडा सुपर ६० क्रिकेट प्रतियोगिता खेल्न क्यानडा प्रस्थान गरेकी छन् ।
इन्दुलाई प्रतियोगिताको दोस्रो संस्करणका लागि टोरन्टो सिक्सर्सले आफ्नो टोलीमा अनुबन्ध गरेको छ । उनी क्यानडाको भ्यानकुभरस्थित बीसी प्लेसमा सेप्टेम्बर २९ देखि अक्टोबर ४ सम्म सञ्चालन हुने प्रतियोगितामा सहभागी हुनेछिन् ।
क्यानडा सुपर ६० टी–१० फर्म्याटमा खेलाइने फ्रेन्चाइज प्रतियोगिता हो । प्रत्येक टोलीले १० ओभर ब्याटिङ गर्ने यस प्रतियोगिताको एक खेल करिब ९० मिनेटमा सकिनेछ । प्रतियोगितामा पुरुषतर्फ २४ खेल हुँदैछन् भने महिलातर्फ दोस्रो संस्करणमा तीन टोलीले प्रतिस्पर्धा गर्नेछन् ।
महिला स्पर्धामा टोरन्टो सिक्सर्स, भ्यानकुभर वारियर्स र भ्यानकुभर एन्कर्स सहभागी छन् । इन्दुसँगै दक्षिण अफ्रिकाकी मरिजान काप, पाकिस्तानकी फातिमा साना तथा इंग्ल्यान्डकी बेस हीथजस्ता अन्तर्राष्ट्रिय खेलाडी पनि प्रतियोगितामा रहनेछन् ।
प्रतिक्रिया 4