२०८३ असोज ११ गते २०:५८ 
News Summary
Generated by OK AI. Editorially reviewed.- विराट कोहलीले वेस्ट इन्डिजविरुद्ध पहिलो ओडीआईमा चौका प्रहार गर्दै एकदिवसीय अन्तर्राष्ट्रियमा १५ हजार रन पूरा गरे।
- कोहली १५ हजार रन बनाउने दोस्रो खेलाडी बने भने ३०३ इनिङ्समा यो उपलब्धि हासिल गर्दै सचिन तेन्दुलकरको ३७७ इनिङ्सको कीर्तिमान तोडे।
- वेस्ट इन्डिजले दिएको २९७ रनको लक्ष्य पछ्याइरहेको भारतका लागि कोहली ७५ रन बनाएर क्रिजमा थिए।
११ असोज, काठमाडौं । भारतका स्टार ब्याटर विराट कोहलीले एकदिवसीय अन्तर्राष्ट्रिय (ओडीआई) क्रिकेटमा १५ हजार रन पूरा गर्दै नयाँ कीर्तिमान बनाएका छन् ।
वेस्ट इन्डिजविरुद्ध पहिलो ओडीआईका क्रममा कोहलीले यो उपलब्धि हासिल गरेका हुन् । उनले चौका प्रहार गर्दै १५ हजार रनको कोशेढुङ्गा पार गरेका थिए ।
कोहली ओडीआईमा १५ हजार रन बनाउने दोस्रो खेलाडी बनेका छन् । यसअघि भारतकै महान् ब्याटर सचिन तेन्दुलकरले यो उपलब्धि हासिल गरेका थिए ।
यद्यपी, कोहलीले ३०३ इनिङ्समै १५ हजार रन पूरा गर्दै तेन्दुलकरको ३७७ इनिङ्सको कीर्तिमान तोडे । उनले १४ हजारदेखि १५ हजार रन पुग्न मात्र १६ इनिङ्स खर्चिएका हुन् ।
टी–२० अन्तर्राष्ट्रिय र टेस्ट क्रिकेटबाट सन्यास लिइसकेका कोहलीले ५० ओभरको क्रिकेटमा भने आफ्नो उत्कृष्ट लय कायम राख्दै आएका छन् ।
वेस्ट इन्डिजले दिएको २९६ रनको लक्ष्य पछ्याइरहेको भारतले अहिले जवाफी ब्याटिङ गरिरहेको छ र कोहली यो समाचार तयार पार्दासम्म ७५ रन बनाएर खेलिरहेका छन् ।
प्रतिक्रिया 4