१४ असोज, काठमाडौं । कांग्रेसको देउवा समूहले बिहीबारदेखि सुरु गर्न लागेको १५ औं महाधिवेशनबारे निर्वाचन आयोगलाई जानकारी गराएको छ ।
पूर्वसभापति शेरबहादुर देउवाले बुधबार सभापतिकै हैसियतमा निर्वाचन आयोगलाई पत्र पठाएर १५ औं महाधिवेशनबारे जानकारी गराएका हुन् ।
आयोगका प्रमुख निर्वाचन आयुक्तलाई सम्बोधन गरेर पठाइएको पत्रमा ‘जानकारी तथा अभिलेखीकरण सम्बन्धमा’ लेखिएको देउवा समूहका एक नेताले जानकारी दिएका छन् ।
उनका अनुसार १४ औं महाधिवेशनबाट निर्वाचित केन्द्रीय कार्यसमितिको पदावधि र विधानको व्यवस्थाअनुसार १५औं महाधिवेशन सम्पन्न गर्ने निर्णयसँगै कानुनी र प्रक्रियागत विवरणबारे आयोगलाई जानकारी दिइएको छ ।
ती नेताले पत्रमा पार्टीको आधिकारिकतासम्बन्धी मुद्दा सर्वोच्च अदालतबाट पुनरवलोकनका लागि अनुमति पाइएको विषय पनि उल्लेख गरिएको जानकारी दिए ।
पत्रमा १५ औं महाधिवेशनबाट निर्वाचित हुने केन्द्रीय कार्यसमितिको नामावली समेत महाधिवेशन सम्पन्न भएपछि अध्यावधिकका लागि फेरि आयोगसमक्ष पठाइने पनि पत्रमा उल्लेख छ ।
देउवा समूहले बिहीबारदेखि वडा अधिवेशन सुरु गर्दैछ । केन्द्रीय महाधिवेशनको मिति २१–२३ मंसिरका लागि तोकिएको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Siddhipur")
%20-%20Copy.jpg "House for Sale at Cozy Homes, Imadol")
.jpg "Bungalow House for Sale at Bhandari Marg")
.jpg "House for Sale at Imadol")
.jpg "Bungalow House for Sale at Dholahiti")
प्रतिक्रिया 4