News Summary
Generated by OK AI. Editorially reviewed.- सरकारले अनलाइन प्रणाली सहज बनाएपछि पछिल्लो ६ महिनामा ९५ हजार ३ सय ९ पशुपन्छी तथा मत्स्य बीमालेख जारी भएका छन् ।
- किसानले कृषि तथा पशुपन्छी बीमामा सवा अर्ब रुपैयाँभन्दा बढी प्रिमियम अनुदान प्राप्त गरेका छन् ।
- सबैभन्दा धेरै ७६ हजार २ सय ४० गाईभैँसीका बीमालेख जारी भएका छन् ।
८ कात्तिक, काठमाडौं । किसानहरूमा कृषि तथा पशुपन्छी बीमामा आकर्षण बढेको देखिएको छ ।
सरकारले बीमा प्रिमियम अनुदान भुक्तानीलाई अनलाइन प्रणाली मार्फत सहज बनाएपछि पछिल्लो ६ महिना अवधिमा ९५ हजारभन्दा बढी पशुपन्छी तथा मत्स्य बीमालेख जारी भएका छन् भने किसानले सवा अर्ब रुपैयाँभन्दा बढी प्रिमियम अनुदान प्राप्त गरेका छन् ।
कृषि, वन तथा पर्यावरण मन्त्रालयका अनुसार पशु सेवा विभागमा अनलाइन बिमा प्रणाली (एएलआईएस) पहुँच सुनिश्चित भएसँगै कुल ९५ हजार ३ सय ९ बीमालेख जारी भएका छन् ।
तीमध्ये सबैभन्दा धेरै गाईभैँसीका बीमालेख छन् । तथ्यांक अनुसार ७६ हजार २ सय ४० गाईभैँसीको बीमा गरिएको छ । बाख्राका १२ हजार ४ सय ५०, पन्छीका २ हजार ६ सय ५०, बंगुरका २ हजार ४ सय ६८ र माछाका १ हजार ५ सय १ बीमालेख जारी भएका छन् ।
‘बाली तथा पशुधन बीमाको प्रिमियममा अनुदान उपलब्ध गराउने कार्यविधि’ अनुसार सरकारले कुल १ अर्ब २४ करोड २७ लाख ५० हजार ९ सय ४३ रुपैयाँ प्रिमियम अनुदान भुक्तानी गरेको छ ।
यसमध्ये पशुपन्छी तथा मत्स्यतर्फ १ अर्ब १९ करोड १३ लाख ३५ हजार र बालीतर्फ ५ करोड १४ लाख १५ हजार रुपैयाँ अनुदान भुक्तानी गरिएको मन्त्रालयले जनाएको छ ।
कृषि विभागका अनुसार नेपाल बीमा प्राधिकरणले चैत २०८२ सम्म पेस गरेका बीमालेख अध्ययन गरी बालीतर्फको भुक्तानी फर्छ्योट गरिएको हो ।
त्यसपछिका ३ महिनाका बिमालेख प्राधिकरणमा संकलन भइरहेको र अध्ययनपछि भुक्तानी दिइने मन्त्रालयले बताएको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Siddhipur")
%20-%20Copy.jpg "House for Sale at Cozy Homes, Imadol")
.jpg "Bungalow House for Sale at Bhandari Marg")
.jpg "House for Sale at Imadol")
.jpg "Bungalow House for Sale at Dholahiti")
प्रतिक्रिया 4