News Summary
Generated by OK AI. Editorially reviewed.- रसुवा उत्तरगयामा भदौ १० को बाढीबाट ११ जनाको पहिचान खुलेको छ भने ६५५ जनाको मृत्यु दर्ता प्रक्रियामा छ ।
- उत्तरगया गाउँपालिका अध्यक्ष माधव अर्यालले पालिकाभरको तथ्यांक संकलन गरेर मृत्यु दर्ता प्रक्रिया सुरु गरिएको जानकारी गराए ।
- प्राधीकरणले यकिन गरेको तथ्यांकका आधारमा मन्त्रिपरिषद्ले मृतक सरह घोषणा गरेपछि सरकारी रकम परिवारको खातामा जम्मा गरिनेछ ।
२२ कात्तिक, काठमाडौं । भदौ १० गते आएको बाढीबाट रसुवा उत्तरगयामा हताहती हुनेको संख्या यकिन भएको छ । पालिकाभरमा सम्पर्कविहीन भएका मध्ये ११ जनाको मात्रै पहिचान खुलेको छ भने ६५५ जनाको मृत्यु दर्ताको प्रक्रियामा छन् ।
उत्तरगया गाउँपालिका अध्यक्ष माधव अर्यालले पालिकाभरको तथ्यांक संकलन गरेर मृत्यु दर्ताको प्रकृया सुरु गरिएको जानकारी गराए । सबैभन्दा बढी मानवीय क्षति उत्तरगयामा वडा नम्बर १ मा भएको छ । पालिक अध्यक्ष अर्यालका अनुसार वडा नम्बर १ मा ३८६ जना मृत्यु दर्ताको प्रक्रियामा छ ।
वडा, पालिकाले सूचना निकालेर बेपत्ताहरुको जानकारी गराउन अनुरोध गरेको थियो । सम्पर्कविहिन भएका परिवारका सदस्यहरुले वडामा आएर बाढीमा परेको जानकारी गराएका थिए । परिवारका सदस्यले दिएको जानकारी अनुसार पालिकाले हताहती हुनेहरुको संख्या यकिन गरेको हो ।
पालिकाले पठाएको संख्याको आधारमा राष्ट्रिय विपद् जोखिम न्युनीकरण तथा व्यवस्थापन प्राधीकरणले यकिन गर्दछ । प्राधीकरणले यकिन गरेको तथ्यांकको आधारमा मन्त्रिपरिषद् बैठकले मृतक सरह घोषणा गर्दछ । मन्त्रिपरिषद बैठकले मृतक सरह घोषणा गरेपछि मृतक परिवारले प्राप्त गर्ने सरकारी रकम परिवारको खातामा जम्मा गरिदिने उत्तरगया पालिका अध्यक्ष अर्यालले जानकारी गराए ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "House for Sale at Lasuntar")
.jpg "Bungalow House for Sale at Budhanilkantha")
.jpeg "House for Sale at Lubhu")
.jpg "Residential Land for Sale at Balkot")
%20-%20Copy.jpg "House for Sale at Bhaisepati")
प्रतिक्रिया 4