News Summary
Generated by OK AI. Editorially reviewed.- मगर समुदायको मौलिक सांस्कृतिक पृष्ठभूमिमा बनेको नेपाली फिल्म ‘जलाकी’ मंसिर ४ गतेदेखि देशभर प्रदर्शनमा आउँदैछ।
प्रेम केवल पाउनुको नाम होइन, कसैको प्रतीक्षामा जीवन बिताउनु र उसको सम्झनालाई मनमा सँगालेर बाँच्नु पनि प्रेमकै एउटा रूप हो । यस्तै प्रेम, त्याग, विछोड, प्रतीक्षा र सम्झनालाई मगर समुदायको मौलिक सांस्कृतिक पृष्ठभूमिसँग जोडेर तयार भएको नेपाली फिल्म ‘जलाकी’ मंसिर ४ गतेदेखि प्रदर्शनमा आउँदैछ ।
अशोक थापा मगरको निर्देशनमा तयार भएको फिल्ममा उपासना सिंह ठकुरी, सोनाम तोप्देन र शिल्पा मास्केलगायत कलाकारको अभिनय छ । फिल्मको कथा र आफ्नो भूमिकाबारे कुरा गर्दै उपासना सिंह ठकुरीले ‘जलाकी’ लाई सामान्य प्रेमकथाका रूपमा मात्र बुझ्न नहुने बताइन् ।
‘प्रेम भन्नेबित्तिकै प्रेमी– प्रेमिकाबीचको सम्बन्ध सम्झिन्छ । तर प्रेमको दायरा त्यतिमा मात्र सीमित हुँदैन’ उपासना सिंह ठकुरी भन्छिन्, ‘आमाबुबा र छोराछोरीबीचको माया, जीवनसाथीबीचको सम्बन्ध, छुटेका मान्छेको सम्झना र कसैको प्रतीक्षामा बितिरहेको जीवन पनि प्रेमकै रूप हुन् ।’
‘जलाकी’ ले यिनै भावनालाई फरक कोणबाट प्रस्तुत गर्ने उनले बताइन् ।
फिल्मको शीर्षकसँगै जोडिएको ‘जलाकी’ मगर समुदायको मौलिक सांस्कृतिक प्रतीक हो । ढुङ्गाबाट बनाइने यस संरचनासँग पुर्खाको सम्झना, आस्था, विश्वास र सांस्कृतिक पहिचान जोडिएको छ। यही प्रतीकलाई फिल्मको कथासँग जोडिनु यसको विशेष पक्ष रहेको उपासना सिंह ठकुरीको भनाइ छ।
मंसिर ४ गतेदेखि देशभर प्रदर्शनमा आउने फिल्ममा उपासना सिंह ठकुरीसँगै सोनाम तोप्देन र शिल्पा मास्केलगायत कलाकारको अभिनय छ ।
अशोक थापा मगरको निर्देशनमा तयार भएको ‘जलाकी’ मौलिक संस्कृति, फरक प्रेमकथा र भावनात्मक कथावाचनका कारण दर्शकका लागि प्रतीक्षाको फिल्म बनेको छ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "House for Sale at Lasuntar")
.jpg "Bungalow House for Sale at Budhanilkantha")
.jpeg "House for Sale at Lubhu")
.jpg "Residential Land for Sale at Balkot")
%20-%20Copy.jpg "House for Sale at Bhaisepati")
प्रतिक्रिया 4