२३ कात्तिक, काठमाडौं । गृह मन्त्रालय नेपाल प्रहरी र सशस्त्र प्रहरी बल नेपालमा दरबन्दी थप्ने गृहकार्यमा छ ।
नेपाल सरकार मन्त्रिपरिषद्को पूर्वस्वीकृति बमोजिम गठित संगठन तथा व्यवस्थापन सर्वेक्षण समितिको सिफारिस अनुसार दरबन्दी थप गर्ने प्रक्रिया अगाडि बढाइएको गृह मन्त्रालयले जनाएको छ ।
गृह मन्त्रालयले हालै सार्वजनिक गरेको पछिल्लो तीन महिनाको प्रगति विवरणमा उल्लेख भए अनुसार नेपाल प्रहरीमा कुल दुई हजार १९४ दरबन्दी थप गर्न लागिएको छ ।
जनपद तर्फ एक हजार ६६४ र प्राविधिक तर्फ ५३० दरबन्दी थप गर्ने प्रस्ताव अर्थ मन्त्रालयको सहमतिका लागि पत्राचार गरिएको छ ।
साथै, सशस्त्र प्रहरी बल नेपालको संगठन तथा व्यवस्थापन सर्वेक्षण गर्न गठित समितिको सिफारिस अनुसार एक हजार ७७४ दरबन्दी थप गर्ने विषयमा अर्थ मन्त्रालयको सहमतिका लागि पत्राचार गरिएको प्रगति विवरणमा उल्लेख छ ।
हाल नेपाल प्रहरीमा कुल स्वीकृत दरबन्दी ७९, हजार ५४१ जना रहेको छ ।
सशस्त्र प्रहरी बल नेपालमा कुल स्वीकृत दरबन्दी ३७ हजार १५३ जना रहेको छ ।
गृह मन्त्रालयले थप गर्न गृहकार्य गरिरहेको दरबन्दी प्रस्ताव स्वीकृत भएमा नेपाल प्रहरी र सशस्त्र प्रहरी दुवै निकायको दरबन्दी संख्या केही बढ्नेछ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "House for Sale at Lasuntar")
.jpg "Bungalow House for Sale at Budhanilkantha")
.jpeg "House for Sale at Lubhu")
.jpg "Residential Land for Sale at Balkot")
%20-%20Copy.jpg "House for Sale at Bhaisepati")
प्रतिक्रिया 4