+
+
Shares

बालेनको भ्रमण पूर्वसन्ध्यामा भारतले दियो ६१५ मेगावाट विद्युत् निर्यात अनुमति

अनलाइनखबर अनलाइनखबर
२०८३ मंसिर २ गते २१:४०

News Summary

Generated by OK AI. Editorially reviewed.
  • प्रधानमन्त्री बालेन शाहको भ्रमणको पूर्वसन्ध्यामा भारतले नेपालबाट विद्युत् निर्यातका लागि थप ६१५.०२ मेगावाट स्वीकृति दिएको छ।
  • भारतीय पक्षले नेपाल विद्युत् प्राधिकरणले पठाएको अनुरोधमाथि क्रमिक रूपमा स्वीकृति दिँदै आज यो अनुमति दिएको हो।
  • नेपालले मुजफ्फरपुर–ढल्केबर ४०० केभी डबल सर्किट, कटैया–कुसाहा १३२ केभी, रक्सौल–परवानीपुर १३२ केभी र रामनगर–सूरजपुरा १३२ केभी लाइन प्रयोग गर्नेछ।

२ मंसिर, काठमाडौं । प्रधानमन्त्री बालेन शाहको भ्रमणको पूर्वसन्ध्यामा भारतले ६१५.०२ मेगावाट विद्युत् निर्यातको अनुमति दिएको छ ।

भारतीय पक्षले आज नेपालबाट भारततर्फ विद्युत् निर्यातका लागि उक्त परिमाणमा स्वीकृति दिएको हो ।

प्राधिकरणले यसअघि पठाएको अनुरोधमाथि क्रमिक रूपमा स्वीकृति आउने क्रममा आज थप ६१५.०२ मेगावाट विद्युत् निर्यातको अनुमति दिएको हो । यसअघि नेपालले दुईपक्षीय संयन्त्रमार्फत हरियाना र बिहारमा ६ सय मेगावाट विद्युत् निर्यात गरिरहेको थियो । त्यसको म्याद सकिएका कारण त्यो परिमाणको विद्युत् भारतीय खुलाबजार (आईईएक्स) मार्फत निर्यातको अनुमति दिन नेपालले अनुरोध गरेको थियो ।

नेपालबाट भारतमा विद्युत् निर्यातका लागि मुजफ्फरपुर–ढल्केबर ४०० केभी डबल सर्किट प्रसारण लाइन, कटैया–कुसाहा १३२ केभी, रक्सौल–परवानीपुर १३२ केभी र रामनगर–सूरजपुरा १३२ केभी प्रसारण लाइन प्रयोग गरिनेछ ।

भारतको यो स्वीकृतिसँगै नेपालले विद्युत् निर्यातबाट थप आम्दानी गर्न सक्नेछ ।

यसअघि नै भारतले एकपटक ६५४ मेगावाट र अर्कोपटक ३ सय मेगावाट गरी ९५४ मेगावाटको अनुमति दिइसकेको थियो । अब नेपालले १५६९ मेगावाट विद्युत् निर्यातको अनुमति पाएको छ । गतवर्ष भारतमा करिब १२ सय मेगावाट विद्युत् निर्यात भएको थियो ।

नेपालले थप ४० मेगावाट विद्युत् बंगलादेश निर्यात गर्दै आएको छ । बंगलादेशसँग अरू २० मेगावाट विद्युत्‌ निर्यातको सहमति भए पनि भारतले अनुमति नदिँदा निर्यात हुन सकेको छैन ।

यो खबर पढेर तपाईलाई कस्तो महसुस भयो ?
Khusi chhu

खुसी

Dukhi chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

छुटाउनुभयो कि ?