११ भदौ, काठमाडौं । पोर्चुगल तथा रियल मडि्रडका फुटबल स्टार रोनाल्डोले एक १३ वर्षीय नेपाली बालकलाई आफ्नो हस्ताक्षरसहितको टिशर्ट उपहार पठाएका छन् ।
गत वैशाखमा आएको विनाशकारी भूकम्पले झण्डै ९ हजारको ज्यान लिनका साथै घरहरु ध्वस्त पार्दा पनि फुटबल खेल्न नछाडेका बनेपाका जेतिन श्रेष्ठलाई उनले उपहार पठाएका हुन् ।
टिशर्टसँगै उनले पठाएको सन्देशमा भनिएको छ, ‘जेतिन, बलियो हुनु, तिमीलाई शुभकामना ।’
आफ्नो हातमा रोनाल्डोले पठाएको उपचार पर्दा जेतिन केहिबेर रणभूल्लपरेका थिए । फोटोग्राफर ओमार हवाना र पत्रकार मागारिडा मोटाले बालकलाई उनका आदर्श फुटबलर रोनाल्डोसित जोडिदिने काम गरेका थिए ।
उनीहरुले भूकम्पले भत्किएको घर अगाडी पोर्चुगलको जर्सी लगाएर फुटबल खेलिरहेका बालकको तस्वीर रोनाल्डोलाई देखाएकोटेलिग्राफले जनाएको छ ।
त्यही तस्वीर हेरेर भावुक बनेका रोनाल्डोले जेनितलाई रियल मड्रिडको जर्सी उपहार पठाएका हुन् ।
उपहार पाएपछि जेतिनले भने-‘म फुटबललाई माया गर्छु । एक दिन रियल मडि्रडका लागि खेल्ने धोको छ ।’