काठमाडौं । तेस्रो राष्ट्रिय पुस्तक मेला आजबाट राजधानीमा सुरु भएको छ ।
नेपाल राष्ट्रिय पुस्तक बिक्रेता तथा प्रकाशक संघ र नेपाल प्रज्ञा-प्रतिष्ठानको आयोजनामा प्रज्ञा भवन कमलादी परिसरमा सुरु भएको हो । मेलामा प्रज्ञा-प्रतिष्ठान, साझा प्रकाशन, एकता बुक्स, रत्न पुस्तक भण्डार, फाइनप्रिन्ट, हिमाल किताब लगायत तीन दर्जन प्रकाशकका पुस्तकहरु राखिएका छन् ।
पुस्तकहरुमा २० देखि ६० प्रतिशतसम्म छुटको व्यवस्था रहेको आयोजकले जनाएका छन् ।
मेलाको उद्घाटन गर्दै प्रज्ञा-प्रतिष्ठानका कुलपति गंगाप्रसाद उप्रेतीले पाठकहरुसम्म पुस्तक पुर्याउन यस्ता मेलाको आवश्यकता रहेको बताए । पुस्तक बिक्रेता तथा प्रकाशक संघका महासचिव लिखत पाण्डेले प्रकाशन व्यवसायको प्रवर्द्धन तथा पठन संस्कृतिको विकासका लागि आगामी वर्ष पनि पुस्तक मेलालाई निरन्तरता दिने प्रतिबद्धता जनाए ।
यस्तै, संघका निर्वतमान अध्यक्ष तथा लेखक वसन्त थापाले राज्यले पुस्तक प्रकाशन व्यवसायलाई उद्योगका रुपमा पहिचान गरी सहुलियत दिनुपर्नेमा जोड दिए । बिहीबारदेखि सुरु भएको मेला फागुन १४ गते शनिबारसम्म चल्नेछ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "Luxurious House on sale at Ochu Height, Imadol")
.jpg "Apartment for rent in Grande Tower")
.jpg "House for sale at Tikathali")
प्रतिक्रिया 4