२०७६ फागुन २३ गते ८:३० 
२३ फागुन, काठमाडौं । ओडिओन इघालोको दुई गोल मद्दतमा डर्बी काउन्टीलाई हराउँदै म्यानचेष्टर युनाइटेड एफए कपको क्वाटरफाइनलमा प्रवेश गरेको छ ।
आफ्नै पूर्व खेलाडी वायन रुनी समेत रहेको डर्बी काउन्टीलाई युनाइटेडले उसैको मैदानमा ३-० ले राजित गरेको हो ।
युनाइटेडका लागि लुकाशले खेलको ३३औं मिनेटमा गोल गर्दै अग्रता दिलाएका थिए । ४१औं मिनेटमा वइघालोले व्यक्तिगत पहिलो गोल गर्दै पहिलो हाफमा अग्रता दोब्बर पारे । दोस्रो हाफमा इघालोले एक गोल थपे । उनले ७०औं मिनेटमा गोल गर्दै युनाइटेडको जित पक्का गरे ।
युनाइटेडको जितपछि क्वाटरफाइनलको समीकरण पनि पूरा भएको छ ।
युनाइटेडले अब क्वाटरफाइनलमा नर्विच सिटीसँग खेल्नेछ । यस्तै चेल्सीले लेस्टर सिटीसँग, म्यानचेष्टर सिटीले न्यूकासल युनाइटेडसँग र आर्सनलले शेफिल्ड युनाइटेडसँग खेल्नेछन् ।
प्रतिक्रिया 4