१५ चैत, स्याङ्जा । कतारबाट आएकी कोरोना संक्रमित किशोरीसँगै आएका स्याङ्जा फेदीखोला गाउँपालिकाको एक दम्पतीको स्वाव परीक्षणको नतिजाबाट उनीहरुमा काेरोना संक्रमण नभएको देखिएको छ ।
किशोरीसँगै आएका कतारमा कार्यरत फेदीखोला गाउँपालिकाका दम्पतीलाई ज्वरो आएपछि क्वारेन्टाइनमा राखेर स्वाव परीक्षणका लागि बिहीबार टेकु अस्पताल काठमाडौँ पठाइएको थियो । शुक्रबार उनीहरुको नेगेटिभ रिपोर्ट आएको गाउँपालिका अध्यक्ष घनश्याम सुवेदीले जानकारी दिए ।
कोरोना सङ्क्रमित युवतीसँगै आएका सोही जिल्लाका अन्य ६ जनालाई क्वारेन्टाइनमा राखिएको प्रमुख जिल्ला अधिकारी रामबहादुर कुरुम्वाङले जानकारी दिए ।