१६ वैशाख, काठमाडौं । भारतमा पछिल्लो २४ घण्टामा कोरोना भाइरस (कोभिड-१९) को संक्रमणको कारण ३ हजार ६४५ जनाको मृत्यु भएको छ ।
भारतको स्वास्थ्य तथा परिवार कल्याण मन्त्रालयका अनुसार बिहीबार उक्त अवधिमा ३ लाख ७९ हजारभन्दा धेरै नयाँ संक्रमित थपिएका छन् ।
यससँगै भारतमा समग्र कोरोना संक्रमितको संख्या पनि एक करोड ८३ लाख नाघेको छ । त्यस्तै सक्रिय संक्रमितको संख्या पनि ३० लाख ८४ हजार नाघेको छ ।
भारतमा कोरोना संक्रमणको कारण मृत्यु हुनेको संख्या पनि २ लाख ४ हजार ८३२ पुगेको छ । पछिल्लो २४ घण्टामा भारतको महाराष्ट्रमा सबैभन्दा धेरै ६३ हजारभन्दा धेरै नयाँ संक्रमित थपिएका छन् ।
कर्नाटकमा ३९ हजारभन्दा धेरै नयाँ संक्रमित थपिएका छन् । केरलामा पनि नयाँ संक्रमितको संख्या ३५ हजारभन्दा धेरै छ । भारतमा अहिलेसम्म १५ करोड डोजभन्दा धेरै कोरोना खोप दिइएको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.png)
.png)
प्रतिक्रिया 4