२० साउन, काठमाडौं । म्यानचेष्टर युनाइटेडले प्रि सिजनको इन्टरनेशनल च्याम्पियन्स कप फुटबलको उपाधि जितेको छ ।
मंगलबार विहान भएको फाइनल भिडन्तमा लुइस भानगालको म्यानचेष्टर युनाइटेडले अर्को इङ्लिस टोली लिभरपुललाई ३–१ ले पराजित गर्दै उपाधि उचालेको हो ।
अमेरिकामा भएको खेलमा अग्रता भने लिभरपुलले लिएको थियो । कप्तान स्टफेन जेरार्डको १४ औं मिनेटको पेनाल्टी गोलबाट लिएको अग्रता लिभरपुलले दोस्रो हाफमा जागाउन सकेन ।
५५ औं मिनेटमा वायन रुनीले बराबरी गोल फर्काए भने त्यसको दुई मिनेटपछि नै माटाले गोल गर्दै म्यानचेष्टर युनाइटेडलाई २–१ को अग्रता दिलाए । खेलको ८८ औं मिनेटमा लिनगार्डले गोल गरेपछि युनाइटेड ३–१ ले विजयी भयो ।