राजधानीबाट बुधबार प्रकाशित सबैजसो दैनिक पत्रिकाले बैद्य माओवादी नआएपछि गोलमेच सम्मेलन भाँडिएको, चाडपर्वका लागि विशेष सुरक्षा योजना लागू भएको खबरलाई प्राथमिकताका साथ छापेका छन् ।
नयाँ पत्रिकाले गोलमेच सम्मेलन रोकिनुको कारणसहितको खबर, एसएसपी रमेश खरेलविरुद्धको कारबाही स्थगित भएको खबरलाई प्राथमिकताका साथ छापेको छ ।
राजधानी दैनिकले पीडीए मस्यौदामा एमालेको २९ बुँदे असहमति भएको, सार्कमा सहज भिसाका लागि औपचारिक प्रस्ताव गर्दै नेपाल र उपनिर्देशक कुर्मीसहित ९७ जनाविरुद्ध भ्रष्टाचार मुद्दा लागेको खबरलाई प्राथमिकताका साथ छापेको छ ।
अन्नपूर्ण पोस्टले मिलेमतोमा नाफाखोरलाई उन्मुक्ति पाएको, माथिल्लो कर्णाली पीडिए मस्यौदा परिमार्जनपछि हस्ताक्षर भएको, बालविवाहले सम्बन्ध विच्छेद बढाएको खबरलाई प्राथमिकताका साथ छापेको छ ।
