संचारकर्मी संजोग बस्याल आफूलाई म्यूजिक भिडियो निर्देशनमा पनि अगाडि बढाउँदैछन् । म्यूजिक भिडियो निर्देशनमा लागेको छोटो समयमा नै उनले केही चर्चित भिडियोहरुको निर्देशन गरेका छन् ।
यसैक्रममा, उनले गायक स्वरुपराज आचार्यको स्वरमा समावेश ‘म त तिम्रो’ बोलको गीतको म्यूजिक भिडियो तयार पारेका छन् । यो भिडियोमा रितु रानाभाट र गोकुल बाँनियाले मोडलिङ गरेका छन् ।
यो गीतमा नवराज जैशीको शब्द, अर्जुन नेपालीको संगीत छ । भिडियोलाई मिलन शंकरको छायांकन, अनुप पौडेलको सम्पादन छ ।
भिडियो निर्देशनमा अगाडि बढेको सन्जोग भन्छन्-‘संचारकर्मसँगै म भिडियो निर्देशन हुँदै चलचित्र निर्देशनमा लाग्ने योजनामा छु ।’
