रामचन्द्र नेपाल
क्वालालम्पुर । मलेसियामा कार्यरत रहेको अवस्थामा विरामी परेकी संगीता तामाङलाई पेनाङमा रहेका ब्यापारीहरुले उपचारमा सहयोग पुरयाउदै नेपाल पठाएका छन् ।
१८ महिना अगाडि पेनाङको जेसीवाई कम्पनीमा आएकी धनकुटाको सुन्दाई गाविस- ६ धनकुटाकी संगिता तीन महिना अगाडिवाट विरामी परेकी थिईन ।
कम्पनीले उपचारमा वेवास्ता गरेपछि उनलाई पेनाङका ब्यापारीहरुले अस्पताल भर्ना गरेका थिए । उपचारमा केही सुधार आएपछि केही दिनअघि मात्रै उनलाई नेपाल पठाइएको छ ।
नेपालमा पनि उनलाई उपचारमा सघाऊ पुगोस् भन्नाका लागि पेनाङमा रहेको ब्यापारीहरु तथा प्रवासी तामाङ एकता समाज पेनाङ, नेपाल श्रमिक एकता समाज पेनाङ तथा जुनतारा सांस्कृतिक समूहले सहयोग रकम संकलन गरी २ लाख ९० हजार पठाईएको छ । हाल संगीतको धनकुटा अपस्तालमा उपचार भैरहेको छ ।
