१६ चैत, दाङ । दाङका एक बस व्यवसायी मंगलबार मृत फेला परेका छन् । घोराही नगरपालिका-५ रझेना निवासी ३८ वर्षीय विष्णुबहादुर महरा घोराही नगरपालिका-४ डबरीमा मृत अवस्थामा भेटिएका हुन् ।
डबरीबाट चौघेरा जाने बाटोमा गाडीले किचेको अवस्थामा शव फेला परेको जिल्ला प्रहरी कार्यालय दाङले जनाएको छ । महराको टाउको र शरिरमा गाडीको टायरको डाम छ ।
घटनाबारे अनुसन्धान सुरु गरेको दाङका निमित्त प्रहरी प्रमुख डिएसपी प्रकाशराज शर्माले जानकारी दिए ।