१८ चैत, काठमाडौं । आँधी र हावाहुरीका कारण जनधनको क्षति भएको बारा र पर्सामा सर्वसाधारणको उपचारका लागि नेपाल प्रहरी अस्पतालबाट चिकित्सकको टोली गएको छ ।
प्रहरी अस्पतालबाट प्रहरी नायब उपरीक्षक डा.सुरेन्द्र साहको नेतृत्वमा ४ जना चिकित्सकसहित ९ जना स्वास्थ्यकर्मीको टोली बारा पुगिसकेको छ ।
त्यस्तै प्रहरी नायब उपरीक्षक डा. अमिनकुमार श्रेष्ठको नेतृत्वमा चिकित्सक र स्वास्थ्यकर्मीको थप टोली सोमबार बिहान १०:५० बजे प्रभावित क्षेत्रतर्फ प्रस्थान गरिसकेको नेपाल प्रहरी अस्पतालले जनाएको छ ।
