धेरै सुन्दरी प्रतियोगिताहरुमा भुतुक्कै पार्ने सुन्दरता भएका वैशालु किशोरी तथा युवतीहरुले आफ्नो सुडौल जिउडालको प्रदर्शन गर्दछन् । तर चीनमा हालै भएको एक सुन्दरी प्रतियोगिता निकै फरक थियो ।
त्यहाँ वैशालु किशेारी तथा युवतीहरु हृोइन उमेर ढल्केका प्रौढ तथा वृद्धाहरुले बिकिनीमा आफ्नो ढल्कँदो वैँश देखाए । उक्त सौन्दर्य प्रतियोगितामा ५ सय जना महिलाहरुले भाग लिए र यसरी भाग लिनेमध्ये कतिपय ८० वर्ष उमेर सम्मका पनि थिए ।
चीनको तियान्जिनमा यस्तो सुन्दरी प्रतियोगिता भएको हो । प्रतियोगितामा पाका महिलाहरु बिकिनीसँगै अन्य विभिन्न पहिरनमा पनि सजिएका थिए ।
चिनिया सरकारी संचार माध्यमका अनुसार बुढ्यौलीका विषयमा मानिसहरुमा सकारात्मक धारणाको विकाश होस् भन्नका लागि यो प्रतियोगिताको आयोजना गरिएको हो ।
स्थानीय एक कल्याणकारी संस्थाले लगातार दोश्रो वर्ष यो प्रतियोगिताको आयोजना गरेको हो ।
हेरौँ यो अनौठो सुन्दरी प्रतियोगिताका रोचक दृश्यहरु
