बलिउडकी सफल नायिका कंगना रनावत एक चलचित्रको छायांकनका क्रममा घाइते भएकी छिन् । चलचित्र ‘मणिकर्णिका -द क्विन अफ झाँसी’को छायांकनका क्रममा कंगना घाइते भएकी हुन् ।
चलचित्रको छायांकन हैदरावादमा भैरहेको थियो । चलचित्रमा तरबारबाजीको दृश्य छायांकन भैरहेको थियो । सो, समयमा कंगनाको निधारमा तरबार लाग्यो र उनी घाइते भइन् ।
कंगनालाई तत्काल अपोलो अस्पतालमा भर्ना गरिएको छ । उनलाई आइसीयूमा राखेर उपचार गरिएको छ । उनको निधारमा १५ टाँका लगाइएको भारतीय मिडियाले बताएका छन् ।
कंगनाले एक्सन दृश्यको छायांकनका क्रममा बडी डबल गर्न मानेकी थिइनन् । डाक्टरका अनुसार कंगनाको निधारमा घाउको चोट लामो समयसम्म देखिनेछ । उनलाई एक साता अस्पतालमा राखिनेछ ।