शनिबार, ३ भदौ, २०७४
OnlineKhabar.com

विमानस्थल स्तरोन्नतीका लागि मुआब्जा वितरण

अनलाइनखबर

२९ साउन, कैलाली । धनगढी विमानस्थलको स्तरोन्नतिका लागि मुआब्जा वितरण प्रक्रिया अगाडि बढेको छ ।

प्रमुख जिल्ला अधिकारी गोविन्द रिजालको अध्यक्षतामा बसेको मुआब्जा निर्धारण समितिको बैठकले प्रतिकठ्ठा खेतको तीन लाख, कच्ची सडकको पाँच लाख, ग्राभेलको सात लाख र पक्की सडकले छोएको जग्गाको १२ लाख रुपैयाँ तोकेको छ ।

जग्गाधनीहरुलाई मुआब्जा लिन आउन सार्वजनिक सूचना प्रकाशित गरिसकिएको छ । विमानस्थल आसपासको १७ विघा तीन कठ्ठा ११ धुर अधिग्रहण गर्न लागिएको हो ।

विमानस्थल प्रमुख छवि ठकुल्लाका अनुसार स्तरोन्नतिपछि भीएचएफ ओम्नीडाइरेक्सनल रेडियो रेन्ज (भीओआर) र डिस्ट्यान्ट मिजरिङ इक्विपमेन्ट (डीएमई) उपकरण जडान थालिने छ । दुवै उपकरण जडानका लागि जापानी अन्तर्राष्ट्रिय सहयोग नियोग -जाइका)ले जग्गा माग गर्दै आएको छ ।

२०७४ साउन २९ गते १२:०९ मा प्रकाशित
अनलाइनखबर सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।

यसमा तपाइको मत




फेसबुकबाट तपाईको प्रतिक्रिया

सम्बन्धित शीर्षकहरु

Also you may like this