२६ भदौ, काठमाडौं । अमेरिकी डलरको मूल्य लगातार घटेर १०३ रुपैयाँभन्दा तल झरेको छ । १०९ रुपैयाँ नाघेको डलर गत आइतबारदेखि घट्दै आएको छ ।
आज नेपालमा वाणिज्य बैंकहरुले डलरको बिक्री मूल्य १०३ रुपैयाँभन्दा कम निर्धारण गरेका छन् । नेपाल इन्भेष्टमेन्ट बैंकले डलरको बिक्री मूल्य १०२.७० र खरिद मूल्य १०१.५९ तय गरेको छ भने नबिल बैंकले पनि त्यत्ति नै मूल्य सार्वजनिक गरेको छ ।
भारतको अर्थतन्त्रमा अपेक्षित वृद्धि हुन नसकेपछि ८७ रुपैयाँ रहेको डलरको मूल्य बढ्दै गएको थियो । नेपाल र भारतबीच विनिमय दर स्थिर रहेको कारण भारतमा डलरको मूल्य बढ्दा नेपालमा पनि बढ्छ ।
