१४ असार, काठमाडौं । काठमाडौंको लगनमा घर भत्किएर पुरिँदा चार जनाको मृत्यु भएको छ । पाँच जना घाइते भएका छन् ।
मृत्यु हुनेमा घर भत्काउने ठक्का लिएका पोतबहादुर पाण्डे, मजदुरहरु नुवाकोटका गणेश विक, धादिङ वैरेनीका विष्णु भण्डारी र खोटाङ धारापानीका भूपाल मगर रहेका छन् ।
प्रहरीका अनुसार पुरानो घर भत्काउने काम गरिहेका मजदुरहरु खाना खाने क्रममा पुगिएका हुन् । चार तले घर माथिबाट उत्काउन थालिएको थियो । भत्काइएको घरका इटा,माटो लगायतको भार दलिनले धान्न नसकेपछि भाँचिएको पाइएको छ ।
घरको भत्नावषेशले परिएका पाँच जनालाई उद्धार गरी वीर अस्पतालमा पुर्याइएको छ । घाइते मध्ये एकको अवस्था गम्भीर रहेको छ ।