निमकान्त पाण्डे
अवुधावी । चितवन समाज युएईको दोश्रो अधिबेसन जुलाई ४ तारिखमा हुने भएको छ । अधिवेशन शुक्रवार दिउँसो ४ बजे देखि बरदुबईको सिन्धी पन्जाब रेस्टुरेन्टमा हुनेछ।
बैदेशिक रोजगारीका सिलसिलामा युएईमा छरिएर रहेका चितवनबासीहरुले आपसी भाईचारा बढाउँदै सहयोग आदान प्रदान गर्ने मुख्य उदेश्यका साथ यस समाजको स्थापना गरेका थिए । २ बर्ष कार्यकालका लागि गरिने यस भेलाले कार्यसमिति चयन गर्ने छ।
प्रबासको ठाउँमा चितवनको गौरब बोकेको यस समाजले युएईमा कार्यरत चितवनबासी दाजुभाइ तथा दिदी बहिनिहरुलार्इ उपस्थितका लागि हार्दिक अनुरोध गरेको छ ।
आउँदो शुक्रबारका दिन नयाँ नेतृत्व चयन गरिने हुँदा समाजको ईच्छुक सदस्य कार्ययोजना सहित अगाडि आई समाजलाई गति दिन सकिने ब्यबस्था रहेको समाजका पुर्ब अध्यक्ष अरुण सुबेदीले जानकारी गराउनु भयो।
