बलिउडका अविवाहित नायक सलमान खानस“ग चलचित्र ‘किक’मा काम गरेपछि नायिका ज्याकलिन फर्नान्डेज मिडियामा सधै चर्चामा छिन् । सलमान र उनको पर्दा पछाडि रोमान्स चलेको खबरले पनि सिने बजारलाई तताएको छ ।
हालै मात्र सलमानले ज्याकलिनलाई घर किनिदिएको खबर बाहिरिएको थियो । तर एक कुराकानीमा ज्याकलिनले यसलाई हल्ला मात्र भनेकी छिन् । ज्याकलिनले भनिन्–‘यदि त्यस्तो हो भने, त्यो घर खै कता छ, मलाई देखाइदिनुहोस् ।’
उनले आफ्नो सपना घर किन्ने भएको भन्दै बल्ल एउटा गाडी किन्न सकेको जनाएकी छिन् । एक अर्को प्रसंगमा हट नायिकाले साजिद खानको ‘हमसकल’ आफूले हलमा गएर नहेर्ने जनाएकी छिन् ।’ उनले यो सिनेमा आफूले टीभीमै हेर्ने जनाएकी छिन् । साजिद उनको पूर्व प्रेमी हुन् ।