रियालिटी सो ‘बिग बोस’को नयाँ सिजन चलाउन सलमान खानले अस्वीकार गरेका छन् ।
बिगत चार बर्षदेखि बिग बोस चलाउँदै आएका सलमानले आठौं संस्करण चलाउन इन्कार गरेको बताइएको छ ।
सोमा आउन नमान्नुको कारण पैसा नभएर अरु नै भएको बताइएको छ ।
सूत्रको हवाला दिँदै भारतीय संचारमाध्यमले जनाएअनुसार सोमा सहभागीहरुवीच हुने झगडा र त्यसले उत्पन्न गर्ने बिबादका कारण सलमान हैरान थिए ।
सातौं सिजनमा उनले सहभागीको हर्कतप्रति आफ्नो हैरानी खुलेआम देखाउँदै भनेका थिए– यस्तो सो कहिल्यै नचलाउँ जस्तो लागिसक्यो ।’
आखिर उनले मनको चाहना पुरा गरेरै छाडे । कार्यक्रम निर्माताले सहभागी छनौट प्रकृयालाई अगाडी बढाइरहेका बेला सलमानले सो संचालन गर्न अस्वीकार गरेपछि निर्माता नयाँ होष्टको खोजीमा लागेका छन् ।
त्यसो भए कसले चलाउला त बिग बोस ? शाहरुख खान, अमिताभ बच्चन वा अरु कुनै नयाँ अनुहार ? यसका लागि अझै केही हप्ता कुर्नुपर्ने छ ।
