२७ भदौ, चितवन । इलामको पशुपतिनगरबाट काठमाडौं आउँदै गरेको यात्रुबाहक बस चितवनको दारेचोक-३ कुरिनटारमा दुर्घटना हुँदा एक जनाको मृत्यु भएको छ । १७ जना घाइते भएका छन् ।
ना ४ ख ७१ ३७ नम्बरको बस बिहीबार बिहान अनियन्त्रित भएर सडकमा पल्टिएको थियो ।
दुर्घटनामा परी गम्भीर घाइते भएकी मोरङ हरैजा बस्ने ३८ वर्षकी केशरी घिमिरेको ज्यान गएको छ ।
घिमिरेको उपचारका क्रममा कलेज अफ मेडिकल साइन्सेज भरपुरमा मृत्यु भएको जिल्ला प्रहरी कार्यालय चितवनले जनाउको छ ।
दुर्घटनामा परी घाइते भएका १७ जनाको भने उपचारपछि डिस्चार्ज गरिएको छ ।