२७ भदौ, काठमाडौं । हृदयघात भएपछि बाँसबारीस्थित गंगलाल हृदय रोग केन्द्रमा भर्ना भएका एमाओवादी उपाध्यक्ष पोष्टबहादुर बोगटीलाई नर्भिक अस्पताल सारिएको छ ।
चिकित्सकहरुको सल्लाह अनुसार उनलाई नर्भिक ल्याइएको एमाओवादी प्रवक्ता दिनानाथ शर्माले जानकारी दिए ।
बोगटीलाई बिहीबार राति ९ बजेतिर हृदयघात भएको थियो । लगतै अस्पताल पुर्याइएका उनी खतरामुक्त छन् । तर, ब्रेनमा केही समस्या भएकाले केही दिन लाग्न सक्ने चिकित्सकहरुले बताएका छन् ।
बोगटी अस्पताल भर्ना भएपछि एमाओवादी अध्यक्ष प्रचण्ड, नेता डा. बाबुराम भट्टराई र उपाध्यक्ष नारायणकाजी श्रेष्ठ राति नै अस्पताल पुगेका थिए ।
