‘नाइ नभन्नु ल’ र ‘नाइ नभन्नु ल २’ सुपरहिट बनाएपछि निर्देशक विकास आचार्यले यसको तेश्रो श्रृङखला एक यूवा निर्देशकलाई सुम्पिएका छन् । ‘नाइ नभन्नु ल ३’ को निर्देशन सहायक निर्देशक मुस्कान ढकालले गर्न लागेका हुन् ।
आज यो सिनेमाको काठमाण्डौको भद्रकाली मन्दिरमा पुजा गर्दै शुभसाइत गरिएको छ । आजैबाट सिनेमाको छायांकन पनि सुरु भएको छ । अघिल्ला सिनेमाको सिक्वेल नाइ नभन्नु ल ३ नहुने वुझिएको छ ।
चलचित्रमा आज अतिथी कलाकारहरु संयम पुरी र आस्मा डीसीले पहिलो सट दिएका छन् । चलचित्रमा सुरजसिंह ठकुरी, प्रियंका कार्की, संचिता लुइटेल, गरिमा पन्तको साथमा बालकलाकार अनुभव रेग्मीको मुख्य भूमिका छ ।
चलचित्रमा बसन्त सापकोटाको संगीत, पुरुषोत्तम प्रधानको छायांकन छ । चलचित्रको छायांकन ३० दिनमा सक्ने योजना निर्माणपक्षको छ । निर्माता तथा लेखक विकास आचार्यले काठमाण्डौ भित्र मात्र सिनेमाको छायांकन हुने जानकारी दिए ।
वान टाइम्स सिनेमाको ब्यानरमा निर्माण हुन लागेको यो सिनेमामा नायक आर्यन सिग्देल पनि विशेष भूमिकामा देखिनेछन् ।