के यतिबेला पनि बलिउडमा नायिका काजोल देवगणको स्टारभ्यालु उस्तै छ ? बलिउडमा के उनको माग आज पनि घटेको छैन ? निर्माता तथा नायक साहरुख खानले निर्माण गरिरहेको चलचित्र ‘दिलवाले’मा उनले लिएको पारिश्रमिकबाट यस्तै कुरा देखिन्छ ।
यो चलचित्रको छायांकन सुरु भएतापनि काजोलको सेड्यूल अहिले छैन । काजोल र साहरुख जुन महिनाबाट यो चलचित्रको छायांकनमा सहभागी हुनेछन् । तर, यो चलचित्रका लागि नायिका काजोलले ५ करोड पारिश्रमिक लिएको समाचार केही भारतीय अनलाइनले प्रकाशन गरेका छन् ।
बलिउडमा यतिबेला काजोल भन्दा अन्य नायिकाहरुकै हालिमुहाली छ । काजोललाई लिएर निर्माताहरुले चलचित्र बनाएका पनि छैनन् । तर, उनै काजोललाई निर्माता साहरुख खानले ५ करोड रुपैयाँ दिएका छन् ।
साहरुख र काजोलको जोडी बलिउडमा सर्वाधिक चर्चित मानिन्छ । यसैले पनि काजोललाई यती ठूलो रकम दिन निर्माता साहरुख र निर्देशक रोहित सेट्टी तयार भएका छन् ।
प्रतिक्रिया 4