रत्नपार्क जाने हो ? २५ रुपैयाँ लाग्छ है ! (फोटो कथा)

१६ असार, काठमाडौं । सार्क सम्मेलनका बेला मर्मत सम्भार गर्न भन्दै बन्द गरिएको रत्नपार्क सर्वसाधारणका लागि खुल्ला गरिएको छ । तर, अब रत्नपार्कमा यसअघि जस्तो निःशुल्क प्रवेश भने पाइने छैन ।

कुल ७५ लाख रुपैयाँ खर्चेर केही नयाँ पूर्वाधारसमेत थप गरी पुनर्निर्माण गरिएको रत्नपार्कमा प्रवेश शुल्क २५ रुपैयाँ तोकिएको छ ।

विद्यार्थीहरुले परिचय पत्र देखाएमा १५ रुपैयाँमा रत्नपार्कको सौन्दर्य अवलोकन गर्न पाउनेछन् । शारीरिकरुपमा अशक्त भएकाहरु भने निःशुल्क प्रवेश गर्न पाउनेछन् ।

काठमाडौं महानगरपालिकाका अनुसार बिहान ८ बजेदेखि साँझ ६ बजेसम्म रत्नपार्क खुल्ला रहनेछ । पार्कमा बच्चाहरु खेल्ने ठाउँ, पसल लगायतका पूर्वाधार थपिएका छन् । सार्कका बेला सरकारी पैसाले मर्मत गरिएको रत्नपार्कमा अब अब साधारणबाट पैसा उठाउने गरी महानगरपालिकाले रत्नपार्क ठेक्कामा लगाएको हो ।