१४ असोज, काठमाडौं । चीनसँग जोडिएको उत्तरी नाका खुलाउन एमाओवादी नेतृत्वको टोली विहीबार तातोपानी गएको छ । सांसद अग्नी सापकोटा नेतृत्वमा २५ जनाको टोली काठमाडौंबाट बाटो खुलाउन गएको हो ।
बाटो खुलाउने काममा वाईसीएल, विद्यार्थी, जिल्ला पार्टीका कार्यकर्ताहरु पनि सहभागी हुने अखिल क्रान्तिकारीकारी नेवाः राज्य समिति संयोजक सुरेन्द्र बस्नेतले अनलाइनखबरलाई जानकारी दिए ।
‘अब भारतको मात्रै भर परेर हुँदैन, चीनसँग जोडिएका सीमा निका खुलाएर आयात-निर्यात सुचारु गराउनुपर्छ भनेर हामी श्रमदान गर्न हिँड्यौं,’ बस्नेतले भने ।
गत बैशाख १२ को भूकम्पका कारण तातोपानी नाका अबरुद्ध छ । पहिरो खसेर अबरुद्ध भएको बाटो खुलाउने काम जारी रहे पनि सुस्त गतिमा काम भैरहेको छ । अब बाटो खुलाउन १० किलोमिटर मात्रै बाँकी छ । बाह्रबिसे, तातोपानी, लिपिङसम्मको दुरी २६ किलोमिटर छ ।
विहीबारै एमाले निकट अखिलको टोली पनि तातोपानी नाका प्रस्थान गरेको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.png)
.png)
प्रतिक्रिया 4