इण्डोनेशिया । इण्डोनेशियाको राजधानी जाकार्तामा दुई हवाईजहाज एकापसमा ठोक्किएका छन् । उडान भर्न लागेको एक जहाज अर्कोसँग ठोक्किदा एउटाको पखेटामा आगो लागेको थियो ।
बाटिक एयरको हवाई जहाज उडान भर्न लागेको बेलामा उसको पखेटाले ट्रान्ससुनाको एक जहाजको पछिल्लो भागमा ठक्कर दिएको थियो ।
सोमबार राति भएको यस घटनामा कोही हताहत नभएको बताइएको छ । दुर्घटनापछि जहाजका यात्रुलाई सुरक्षित रुपमा बाहिर निकालिएको थियो ।
राजधानी जाकार्ताको सबैभन्दा ठूलो घरेलु एयरपोर्ट हालिम प्रेदाकुसुमा एयरपोर्टमा यो घटना भएको थियो । दुर्घटनापछि केहिबेर एयरपोर्ट बन्द गरिएको थियो ।
इण्डोनेशिया हवाई सुरक्षाका दृष्टिकोणले निकै खराव मानिन्छ । बिशेष गरी कम भाडादर भएका जहाजहरु बढि दुर्घटनामा पर्ने गरेका छन् ।
-विविसी हिन्दीबाट