३ जेठ, काठमाडौं । प्रदर्शनको तयारीमा रहेको नेपाली चलचित्र गाजलु आगामी जुन २५ मा जापानको फुकुओका शहरमा बिशेष प्रदर्शनी गरिने भएको छ ।
फुकुओकाको सक्रिय संस्था युथ हृयाण्ड अशोसियसनको आयोजनामा गाजलुको बिषेश शो गर्न लागिएको हो ।
चलचित्रमा अहिलेका चल्तीका नायक अनमोल केसी र पूर्व मिस नेपाल श्रृष्टी श्रेष्ठको अभिनय छ । यो चलचित्र नेपालमा आगामी जेठ २८ गते रिलिज हुँदैछ ।
नेपाली सिने बजारमा चर्चा पाएका सिनेमा बिदेशमा रहेका दर्शकलाई पनी देखाउने उद्देश्यले चलचित्र प्रदर्शनी गर्न लागिएको आयोजक संस्थाका अध्यक्ष बिकास प्रधानले जानकारी दिए ।
गाजलुको प्रदर्शन सफल भए प्रत्येक बर्ष उत्कृष्ट ४ सिनेमा प्रदर्शन गरीने बताइएको छ । पछिल्लो समय अष्ट्रेलियापछि जापानमा पनि नेपाली सिनेमाको बजार फस्टाइरहेको छ ।