नायक राजेश हमाल पत्नी मधु भट्टराइसँग पोखरा घुम्न खुबै मन पराउँछन् । पोखरा पुगेपछि हमाल प्याराग्लाइडिङमा पनि रमाउँछन् । हालैमात्र पोखरा पोखेका हमालले ‘सगरमाथा प्याराग्लाइडिङ’बाट पोखरा अवलोकन गरे । हमाल करिब २० मिनेट आकाशमा उडेका थिए ।
पहिलो पटक हमालले भूकम्प आएपछि पर्यटन प्रवर्द्धनका लागि भन्दै प्याराग्लाइडिङ गरेका थिए । राजेशले भने-‘यदि तपाई पोखरा घुम्न आउनुहुन्छ र प्याराग्लाइडिङ गर्नुहुन्न भने तपाइको यात्रा अपुरो रहनेछ ।’
उनले पोखरालाई स्वर्ग समेत भनेका छन् । राजेश हमालले सगरमाथा प्याराग्लाइडिङ रोजेको भन्दै यसको संचालकले समेत उनलाई धन्यवाद दिएको थियो ।
नायक राजेश हमाल चलचित्रमा व्यस्त हुन छाडेपछि उनी पत्नीको साथमा यात्रा गर्न रुचाउँछन् ।
