३१ भदौ, काठमाडौं । पाकिस्तानको कबायली क्षेत्रको एक मस्जिदमा आत्मघाती बम आक्रमण हुँदा २३ जनाको मृत्यु भएको छ । २९ जना घाइते भएका छन् ।
अधिकारीहरुका अनुसार अफगानिस्तानको सीमा नजिक बटमान गाउँको मस्जिदमा आक्रमण भएको हो । शुक्रबारको नमाज (प्रार्थना) चलिरहेका बेला बम विष्फोट भएको डन समाचार एजेन्सीले जनाएको छ ।
मस्जिदमा प्रार्थना भइरहेका बेला आत्मघाती आक्रमणकारीले आफूले आफैलाई विष्फोट गराएका थिए ।
घटनास्थलमा सुरक्षाकर्मी र स्थानीयले उद्धार गरेका छन् । घाइतेहरुलाई उपचारका लागि नजिकको अस्पतालमा पठाइएको समाचारमा उल्लेख छ ।
तस्वीरः डन समाचार एजेन्सी