ताप्लेजुङमा स्थानीय तहको खाका तयार

१ असोज, ताप्लेजुङ । स्थानीय तह पुनर्संरचना प्राविधिक सहयोग समितिले ताप्लेजुङमा ८ ओटा स्थानीय तह बनाउने प्रस्ताव तयार पारेको छ ।

आयोगले तोकेअनुसारका जिल्लालाई एक नगरपालिका र सात वटा गाउँपालिका गरी आठ स्थानीय बनाउन सिफारिस गरेको स्थानिय पुनर्संरचना प्राविधिक समितिका संयोजक केशव प्रसाद भट्टराईले बताए ।

पहिले नै रहेको ताप्लेजुङ नगरपालिकामा हाङ्देवा र फुरुम्बु गाविसलाई मिसाउन सिफारिस गरिएको छ ।

तर, प्रमुख दलहरु सन्तुष्ट देखिएका छैनन् र, नेकपा एमाले, माओवादी केन्द्र र साना दलहरुले संख्यामा सहमति जनाएका छन् भने नेपाली कांग्रेसले ११ स्थानीय तह बनाउनु पर्ने बताएका छन् ।

स्थानिय पुनर्संरचना प्राविधिक समितिले तयार पारेको खाका

क्र.सं	नाम	गाविस	केन्द्र
१,	ताप्लेजुङ नगरपालिका	फुङ्लिङ, दोखु, हाङ्देवा, फुरुम्बु	फुङ्लिङ
२,	सिदिङ्मा	फावाखोला, सादेवा, आङ्खोप, साप्लाखु, मेहेले, लिम्बुदिन, सुरुम्खिम ।	साप्लाखु
३,	श्रीजंगा	याम्फुदिन, खेवाङ्, मामाङ्खे, पेदाङ्, तेल्लेक, आम्बेगुदिन, सिनाम, सिकैचा गाविसको १ देखि ८ वडा सम्म ।	तेल्लोक
४,	फावाखोला	थुम्मेदिन, चाक्सिबोटे, डुमि्रसे, फावाखोला, तिरिङ्गे, थेचम्बु, नाङ्खोल्याङ, सिकैचाको ९ वडा ।	थेचम्बु
५,	तमोरखोला वा फक्तालुङ	लिङ्खिम, तापेथोक, लेलेप, ओलाङ्चुङ्गोला, ईखाबु, खेजेनिम, सावादिन, खोक्लिङको ७ र ८ वडा ।	सिवा
६,	मेवाखोला	खोक्लिङ १, ६ र ९ वडा, लिवाङ, सावा, पापुङ्, नाल्बु, थुकिमा र लिङ्तेप ।	थुकिमा
७,	मिल्के जलजले	खाम्लुङ्, सान्थाक्रा, थिङ्लाबु, फाकुम्बा, र साँघु	थिङ्लाबुको ओख्रे डाँडा
८,	आठराई	ढुङ्गेसाँघु, चाँगे, हाङ्पाङ, फुलबारी र निगुरादिन ।	हाङ्पाङ