३ असोज, काठमाडौं । संविधान जारी भएको खुसियालीमा देशभर संविधान दिवस मनाइरहँदा मधेस केन्द्रित दलहरुले भने ‘कालो दिन’ भन्दै विरोध प्रदर्शन गरे ।
काठमाडौं उपत्यका लगायतका जिल्लाहरुमा मधेस केन्द्रित दलहरुले कालो ब्यानर र पट्टीसहित प्रदर्शन गरेका छन् ।
काठमाडौंको माइतीघर र शान्तिवाटीकामा पनि सोमबार विरोध प्रदर्शन गरिएको छ । प्रदर्शनमा मधेस केन्द्रित दलका नेता-कार्यकर्ताहरुको न्युन उपस्थिति थियो ।
संविधानमा मधेसी समुदायलाई अधिकार नदिइएको भन्दै संयुक्त लोकतान्त्रिक मधेसी मोर्चाले संशोधन गर्न माग गर्दै आएको छ ।
