१७ असोज, ताप्लेजुङ । ताप्लेजुङको सुकेटारबाट सदरमुकाम तर्फ आउँदै गरेको जीप सोमबार विहान दुर्घटना हुँदा चार जना घाइते भएका छन् ।
मे १ ज ३६० नंबरको जीप ताप्लेजुङ नगरपालिका ६ स्थित सुकेटार ताप्लेजुङ सडक खण्डमा दुर्घटनामा परेको थियो ।
दुर्घटनामा चालक इलाम जमुना ८ का १८ वर्षीय तुलसी भण्डारी, सोहि स्थानका सहचालक १७ वर्षीय प्रविण खतिवडा, ताप्लेजुङ लिङखिम ६ का ३० वर्षीय विपना लिम्बु र उनका नाम नखुलेका दुई वर्षीय छोरा घाइते छन् ।
चालक भण्डारीको अबस्था गम्भीर रहेको छ भने अन्यको अबस्था सामान्य रहेको प्रहरीले जनाएको छ । घाइतेको जिल्ला अस्पताल ताप्लेजुङमा उपचार भइरहेको छ ।
जीप सडक बाट करीव ५० मिटर तल खसेको थियो । दुर्घटना विहान करीव साढे ६ बजे भएको थियो ।
