७ मंसिर, ताप्लेजुङ । प्रमुख प्रतिपक्षी पार्टी नेकपा एमालेका सचिव योगेश भट्टराईले सीमांकन परिमार्जनसहित संविधान संशोधनको सरकारी प्रस्ताव एमालेलाई मान्य नहुने बताएका छन् ।
कञ्चनजंघा हिमाल आरोहणको हिरक जयन्तीका अवसरमा गृहजिल्ला ताप्लेजुङ आएका भट्टराईले पत्रकारहरुसँग कुरा गर्दै तराई, पहाड र हिमाल छुट्याउने किसिमको संविधान संशोधन एमालेलाई अमान्य रहेको प्रष्ट पारे ।
उनले आज हिरक महोत्सव उदघाटन समारोहका क्रममा भएको भेटमा पनि प्रधानमन्त्रीलाई यस विषयमा समेत सचेत गराएको बताए ।
