+
+

प्रधानमन्त्री प्रचण्डले भने- म राजनीतिको भूकम्पको केन्द्रविन्दुमा छु (अडियोसहित)

अनलाइनखबर अनलाइनखबर
२०७३ मंसिर १३ गते १८:१८
pm-prachand-at-ku-kavre
दीक्षान्त समारोहलाई सम्बोधन गर्दै प्रधानमन्त्री प्रचण्ड । तस्वीर: प्रधानमन्त्रीको सचिवालय

१३ मंसिर, काभ्रे । प्रधानमन्त्री पुष्पकमल दाहाल ‘प्रचण्ड’ले आफू नेपाली राजनीतिको भूकम्पको केन्द्रविन्दुमा रहेको बताएका छन् । देश इतिहासकै विशिष्ट क्षणमा रहेको भन्दै उनले सही समयमा सही निर्णय गर्न नसके देश दुर्घटनामा पर्ने खतरा पनि औंल्याए ।

‘हामीले ठीक ढंगले विषयलाई ग्रहण गर्न सकेनौं र अगाडि जान सकेनौं भने ठुलठूला दुर्घटनाको खतरा पनि छन्,’ काठमाडौं विश्वविद्यालयको २२ औं दीक्षान्त समारोहलाई सोमबार धुलिखेलमा सम्बोधन गर्दै प्रधानमन्त्री प्रचण्डले भने ।

काठमाडौं विश्वविद्यालयका कुलपतिसमेत रहेका प्रधानमन्त्री प्रचण्डले  दीक्षित भएका विद्यार्थीहरुबाट सरकारले ठूलो अपेक्षा गरेको बताए । संविधान कार्यान्वयन, राजनीतिक स्थीरता र आर्थिक समृद्धिको क्षेत्रमा सहयोगको अपेक्षा गरेको उनको भनाइ थियो ।

‘तपाईंहरु जसरी आज दीक्षित हुनु भएको छ, समाजले तपाईंहरुबाट ठूलो अपेक्षा गरेको छ, सरकारले ठूलो अपेक्षा गरेको छ, प्रधानमन्त्रीको हैसियतले मैले पनि तपाईंहरुबाट ठूलो अपेक्षा गरेको छु,’ उनले भने ।

‘आमा-बुवालाई नभुल्नुस्’

राष्ट्र, समाज र मानव जातिप्रति आफ्नो दायित्व सम्झिएर नयाँ मिसन तय गर्न उनले विद्यार्थीहरुलाई सुझाव दिए । ‘२०-२५ वर्ष नेपाली राजनीतिको भूकम्पको केन्द्रविन्दुमा म बसेको छु । मेरो अनुभवको आधारमा म भन्दै छु तपाईंहरुले आकांक्षा ठूलो राख्नुस् । सरदरभन्दा माथि उठ्ने आँट गर्नुस् । एउटा मिसन जीबनका लागि तय गर्नुस् र त्यो मिसनका लागि जीबनभर संघर्ष गर्ने संकल्प गर्नुस्,’ प्रचण्डले भने, ‘मलाई लाग्छ तपाईंहरुको जीबन सफल हुन्छ । जीबनमात्रै होइन तपाईंले राष्ट्र, समाज र मानव जातिको निम्ति पनि धेरै योगदान गर्न सक्नुहुन्छ ।’

उनले अघि भने, ‘समाजको लागि केही उपयोगी काम गर्ने हो भने तपाईं-हामी एभरेजभन्दा माथि उठ्नै पर्दछ । सरदरमा बसेर कसैले पनि समाजको राष्ट्रको र मानव जातिको सेवा गरेको इतिहास मैले थाहा पाएको छैन,’ उनले भने ।

देश र समाजसँगै परिवारका सदस्यहरुको योगदानलाई नभुल्न उनले सुझाव पनि दिए ।

प्रचण्डले अघि भने, ‘तपाईंहरुको सफलताको पछाडि जन्मदिने आमा-बुवाहरु, परिवारका सदस्यहरु र समाजका सदस्यहरुको पनि योगदान छ भन्ने कुरा पनि तपाईंहरुले बिर्सनु हुनेछैन । किनकी कसैको सफलताको पछाडि सिंगै समुदाय रहेको हुन्छ । आफ्नो जीबनको जिम्मेवारी उनीहरुप्रति छ, हामीले ऋण तिर्नुछ भन्ने कुरामा तपाईंहरुको सदैब ध्यान जानेछ भन्ने कुरा पनि व्यक्त गर्न चाहान्छु ।’

सुन्नुहोस् प्रधानमन्त्री प्रचण्डको मन्तव्य

यो खबर पढेर तपाईलाई कस्तो महसुस भयो ?
Khusi chhu

खुसी

Dukhi chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

छुटाउनुभयो कि ?