+
+
Shares

यू १९ एशिया कपः श्रीलंकाका पाँच खेलाडी, जो नेपालका लागि घातक बन्न सक्छन्

अनलाइनखबर अनलाइनखबर
२०७३ मंसिर २९ गते १८:४५

u-19-cricket-team-1

२९ मंसिर, काठमाडौं । एसीसी यू-१९ एशिया कप क्रिकेटको उदघाटन खेलमा नेपालले बिहीबार आयोजक श्रीलंकाबिरुद्ध कोलम्बोमा प्रतिस्पर्धा गर्दैछ । नेपाली समयअनुसार नेपालको खेल बिहान १० बजेबाट सुरु हुनेछ ।

तुलनात्मक रुपमा श्रीलंकाको युवा टोली नेपालभन्दा निक्कै बलियो देखिन्छ । श्रीलंकाको टोलीमा राष्ट्रिय टोलीबाट टेष्ट खेलिसकेका खेलाडीहरु छन् । टोलीका धेरैजसो खेलाडीहरु सन् २०१३ मा यू-१७ प्रतियोगिता खेलेका छन् ।

स्पिन बलिङ गर्न र स्पिनका बिरुद्ध ब्याटिङ गर्न श्रीलंकाली टोली माहिर मानिन्छ । विश्व क्रिकेटमा बिरलै देखिनै दायाँ र बायाँ दुवै हातले बलिङ गर्नसक्ने खेलाडी श्रीलंकाली टोलीमा छ । त्यस्तै श्रीलंकाले हालै जिम्बाबेको भ्रमणमा आफ्नो दोस्रो दर्जाको टेष्ट टिम पठाएको थियो र त्यस टोलीका सदस्यहरु अहिले यु १९ टोलीमा छन् ।

यहाँ हामीले श्रीलंकाका चार महत्वपूर्ण खेलाडीका बारेमा उल्लेख गरेका छौं जो भोलि हुने खेलमा नेपालका लागि बाधक बन्नसक्छन् ।

१. चरिथ असलंका

charith-asalanka
श्रीलंकाको कप्तानी ओपनिङ ब्याट्सम्यान चरिथ असलंकाले गर्दैछन् । उनले २०१३ मा श्रीलंकाको अण्डर सेभेन्टिन टोलीले इंग्ल्याण्डको भ्रमण गर्दा खेलेको २ दिवशीय खेलमा ९२ र ३१ रन बनाएका थिए ।

२०१५ मा भएको बंगलादेश, अष्ट्रेलिया र श्रीलंकाका यु १९ टोलीको पाँच खेलको सिरिजमा उनी श्रीलंकाको तर्फबाट सर्बाधिक रन बनाउने खेलाडी थिए । साथै उनी दायाँ हात अफस्पिन बलर पनि हुन् । त्यस सिरिजमा उनी श्रीलंकाका लागि दोस्रो सर्वाधिक विकेट लिने खेलाडी थिए ।

२०१६ मा भएको यु १९ विश्वकपमा पनि उनी श्रीलंकाको कप्तान थिए । विश्वकपमा श्रीलंका सेमिफाइनलमा भारतसँग पराजित भएको थियो ।

२. अभिस्का फर्नाण्डो

aviska-fernando

१८ बर्षीय अभिस्का फर्नाण्डोले कुनैपनि उच्च लेभल -लिष्ट ए, फर्ष्ट क्लास, टी-ट्वान्टी) का क्रिकेट नखेली सोझै राष्ट्रिय एकदिवशीय टिममा परेका थिए ।

उनले २०१६ मा भएको यु १९ विश्वकप क्वाटरफाइनलमा इंग्ल्याण्डलाई हराउँदा ९६ बलमा ९५ रन बनाएका थिए ।

३. कामिन्डु मेन्डिस
kamindu-mendis
उनी विश्व क्रिकेटकै दुर्लभ खेलाडीमध्ये मानिन्छन् । उनी दुवै हातले बलिङ गर्न माहिर छन् ।

हालै सम्पन्न यु १९ विश्वकपमा पाकिस्तानबिरुद्धको खेलमा उनले एकै ओभरमा दुवै हातले बलिङ गरेर अन्तर्राष्ट्रिय क्रिकेटमा पहिचान कायम गरेका थिए ।

पाकिस्ताबिरुद्धको खेलको २७औं ओभरमा बलिङ गर्दा दुवै दायाँहाते पाकिस्तानी ब्याट्सम्यानलाई दवावमा ल्याउन बायाँ हातले बलिङ गरे । त्यही ओभरमा एक ब्याट्सम्यान रनआउट भएपछि आएका बायाँहाते ब्याट्सम्यानबिरुद्ध दायाँ हातले बलिङ गरेका थिए ।

उनले बायाँ हातले ब्याटिङ गर्छन ।

४. लाहिरु कुमारा

lahiru

लाहिरु कुमार दायाँहाते फाष्ट बलर हुन् । उनले श्रीलंकाका लागि दुई टेष्ट म्याच जिम्बाबेबिरुद्ध खेलेका छन् । २०१६ को विश्वकपमा श्रीलंकालाई सेमिफाइनलसम्म पुर्‍याउनका लागि यी बलरको महत्वपूर्ण योगदान थियो ।

२०१६ अगष्टमा श्रीलंकाली यु १९ टोलीले इंग्लिस टोलीसँग खेलेको टेष्ट म्याचमा लाहिरुले ७ विकेट लिएका थिए ।

५. असिथा फर्नाण्डो

asitha-fernand

श्रीलंकाले अण्डर नाइन्टिन विश्वकपको सेमिफाइनलसम्मको यात्रा तय गर्दा श्रीलंकाली युवा टोलीका फाष्ट बलर असिथाले महत्वपूर्ण योगदान गरेका थिए ।

उनले सेमिफाइनलमा भारतबिरुद्ध मात्र ४३ रन दिएर चार विकेट लिएका थिए । यद्यपि त्यस खेल भारतले जित्यो ।

२०१६ मा श्रीलंका ए टिमले पाकिस्तान ए टिमलाई ३३ रनले हराउँदा उनले ३३ रन खर्चेर ५ विकेट लिएका थिए ।

यो खबर पढेर तपाईलाई कस्तो महसुस भयो ?
Khusi chhu

खुसी

Dukhi chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

छुटाउनुभयो कि ?